ਵਪਾਰਕ ਖੇਤਰ ਵਿੱਚ ਹੁਨਰਮੰਦ ਤੇ ਤਜ਼ਰਬੇ ਵਾਲੇ ਕੈਨੇਡਾ ਨਵੇਂ ਆਉਣ ਵਾਲੇ ਇਮੀਗਰਾਂਟਸ ਲਈ ਪਹਿਲੀ ਵਾਰ ਐਕਸਪ੍ਰੈਸ ਐਂਟਰੀ ਦਾ ਐਲਾਨ

ਓਟਵਾ (ਟਾਈਮਜ਼ ਬਿਓਰੋ) : ਕੈਨੇਡਾ ਨੇ ਵਪਾਰ ਵਿੱਚ ਤਜਰਬਾ ਤੇ ਹੁਨਰ ਰੱਖਣ ਵਾਲੇ ਨਵੇਂ ਆਉਣ ਵਾਲੇ ਇਮੀਗਰਾਂਟਸ ਲਈ ਪਹਿਲੀ ਵਾਰ ਐਕਸਪ੍ਰੈਸ ਐਂਟਰੀ ਸੱਦੇ ਦੀ ਘੋਸ਼ਣਾ ਕੀਤੀ ਹੈ । ਵਪਾਰਕ ਤੇ ਟਰੇਡ ਵਿੱਚ ਤਜਰਬੇ ਵਾਲੇ ਹੁਨਰਮੰਦ ਨਵੇਂ ਆਉਣ ਵਾਲਿਆਂ ਦੇ ਸੱਦੇ ਨੂੰ ਪਹਿਲ ਦੇ ਕੇ, ਕੈਨੇਡਾ ਦਾ ਉਦੇਸ਼ ਪ੍ਰਤਿਭਾ ਦੀ ਵੱਧ ਰਹੀ ਮੰਗ ਨੂੰ ਪੂਰਾ ਕਰਨਾ ਅਤੇ ਦੇਸ਼ ਦੇ ਆਰਥਿਕ ਵਿਕਾਸ ਅਤੇ ਤਰੱਕੀ ਵਿੱਚ ਯੋਗਦਾਨ ਪਾਉਣ ਵਾਲੇ ਮੁੱਖ ਅਹੁਦਿਆਂ ਨੂੰ ਭਰਨਾ ਹੈ । 31 ਮਈ ਨੂੰ, ਮਾਨਯੋਗ ਸੀਨ ਫਰੇਜ਼ਰ, ਸਾਬਕਾ ਇਮੀਗ੍ਰੇਸ਼ਨ, ਸ਼ਰਨਾਰਥੀ ਅਤੇ ਨਾਗਰਿਕਤਾ ਮੰਤਰੀ, ਨੇ ਸ਼੍ਰੇਣੀ-ਅਧਾਰਿਤ ਚੋਣ ਦੁਆਰਾ ਐਕਸਪ੍ਰੈਸ ਐਂਟਰੀ ਵਿੱਚ ਤਬਦੀਲੀਆਂ ਦਾ ਐਲਾਨ ਕੀਤਾ ਸੀ । ਇਹ ਤਬਦੀਲੀਆਂ ਮਜ਼ਦੂਰਾਂ ਦੀ ਘਾਟ ਨੂੰ ਹੱਲ ਕਰਨ ਵਿੱਚ ਮਦਦ ਕਰਦੀਆਂ ਹਨ ਜੋ ਕਿ ਸਥਾਈ ਨਿਵਾਸ ਲਈ ਅਰਜ਼ੀ ਦੇਣ ਲਈ ਖਾਸ ਕੰਮ ਦੇ ਤਜਰਬੇ ਜਾਂ ਫ੍ਰੈਂਚ ਭਾਸ਼ਾ ਦੀ ਯੋਗਤਾ ਵਾਲੇ ਉਮੀਦਵਾਰਾਂ ਨੂੰ ਸੱਦਾ ਦੇ ਕੇ ਇੱਕ ਪਛਾਣੇ ਗਏ ਆਰਥਿਕ ਟੀਚੇ ਦਾ ਮੂਲ ਰੂਪ ਵਿੱਚ ਸਮਰਥਨ ਕਰਦੇ ਹਨ । ਅੱਜ ਇਮੀਗਰੇ਼ਸ਼ਨ, ਸ਼ਰਨਾਰਥੀ ਅਤੇ ਨਾਗਰਿਕਤਾ ਦੇ ਨਵੇਂ ਮੰਤਰੀ ਮਾਨਯੋਗ ਮਾਰਕ ਮਿੱਲਰ ਨੇ ਐਲਾਨ ਕੀਤਾ ਹੈ ਕਿ ਸ਼੍ਰੇਣੀ-ਅਧਾਰਿਤ ਚੋਣ ਲਈ ਪਹਿਲੇ ਵਪਾਰਕ ਦੌਰ ਇਸ ਹਫਤੇ ਖੁੱਲ੍ਹਣਗੇ ਅਤੇ ਵਪਾਰਕ ਮੁਹਾਰਤ ਵਾਲੇ ਹੁਨਰਮੰਦ ਤੇ ਤਜ਼ਰਬੇਕਾਰ ਉਮੀਦਵਾਰਾਂ ‘ਤੇ ਇਹ ਫੋਕਸ ਰਹੇਗਾ ਜਿਹਨਾਂ ਵਿੱਚ ਤਰਖਾਣ, ਪਲੰਬਿੰਗ, ਅਤੇ ਵੈਲਡਿੰਗ ਸਮੇਤ – ਕੈਨੇਡਾ ਦੇ ਨਿਰਮਾਣ ਖੇਤਰ ਨੂੰ ਦੇਸ਼ ਭਰ ਵਿੱਚ ਲੋੜੀਂਦੀ ਹੁਨਰਮੰਦ ਪ੍ਰਤਿਭਾ ਨੂੰ ਆਕਰਸ਼ਿਤ ਕਰਨ ਵਿੱਚ ਮਦਦ ਕਰੇਗਾ। ਸ਼੍ਰੇਣੀ-ਅਧਾਰਿਤ ਚੋਣ , ਚੋਟੀ ਦੇ ਵਿਸ਼ਵ ਸਕਿਲਡ ਪ੍ਰਤਿਭਾ ਨੂੰ ਆਕਰਸ਼ਿਤ ਕਰਨ ਅਤੇ ਆਰਥਿਕਤਾ ਨੂੰ ਸਮਰਥਨ ਦੇਣ ਲਈ ਉੱਦਮੀਆਂ ਦੀ ਲੋੜ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰਨ ਲਈ ਕੈਨੇਡਾ ਦੀ ਵਚਨਬੱਧਤਾ ਨੂੰ ਦਰਸਾਉਂਦੀ ਹੈ। ਇਹ ਸ਼੍ਰੇਣੀ-ਅਧਾਰਤ ਚੋਣ ਦਾ ਸਮਾਂ ਆਮ ਇਮੀਗੇਸ਼ਨ ਸੱਦਿਆਂ ਵਾਂਗ ਨਾਲ-ਨਾਲ ਸਾਲ ਭਰ ਜਾਰੀ ਰਹਿਣਗੇ, ਅਤੇ ਆਉਣ ਵਾਲੇ ਹਫ਼ਤਿਆਂ ਵਿੱਚ ਹੋਰ ਵੇਰਵਿਆਂ ਦਾ ਐਲਾਨ ਵੀ ਕੀਤਾ ਜਾਵੇਗਾ।
ਇਸ ਸੰਬੰਧੀ ਆਪਣੇ ਬਿਆਨ ਵਿੱਚ ਮਾਨਯੋਗ ਇਮੀਗਰੇਸ਼ਨ , ਸ਼ਰਨਾਰਥੀ ਤੇ ਸਿਟੀਜ਼ਨਸ਼ਿਪ ਮੰਤਰੀ ਮਾਰਕ ਮਿੱਲਰ ਨੇ ਕਿਹਾ ਕਿ , “ਸਾਡੇ ਦੇਸ਼ ਵਿੱਚ ਹੁਨਰਮੰਦ ਟਰੇਡ ਵਰਕਰਾਂ ਦੀ ਘਾਟ ਨੂੰ ਪੂਰਾ ਕਰਨਾ ਬਹੁਤ ਮਹੱਤਵਪੂਰਨ ਹੈ, ਅਤੇ ਹੱਲ ਦਾ ਇੱਕ ਹਿੱਸਾ ਉਸਾਰੀ ਖੇਤਰ ਨੂੰ ਲੋੜੀਂਦੇ ਕਾਮਿਆਂ ਨੂੰ ਲੱਭਣ ਅਤੇ ਬਰਕਰਾਰ ਰੱਖਣ ਵਿੱਚ ਮਦਦ ਕਰ ਰਿਹਾ ਹੈ। ਸ਼੍ਰੇਣੀ-ਅਧਾਰਿਤ ਚੋਣ ਦਾ ਇਹ ਦੌਰ ਹੁਨਰਮੰਦ ਟਰੇਡ ਵਰਕਰਾਂ ਦੀ ਮਹੱਤਤਾ ਨੂੰ ਪਛਾਣੇਗਾ, ਅਤੇ ਕੈਨੇਡਾ ਵਿੱਚ ਇਹਨਾਂ ਪ੍ਰਤਿਭਾਸ਼ਾਲੀ ਵਿਅਕਤੀਆਂ ਦਾ ਸਵਾਗਤ ਕਰਨ ਲਈ ਉਤਸੁਕ ਹੈ।”