ਅਲਬਰਟਾ ਐਨ ਡੀ ਪੀ ਪਾਰਟੀ ਨੇ ਸੂਬਾ ਸਰਕਾਰ ਨੂੰ ਸੀਬਾ ਕਰਜ਼ਿਆਂ ਦੀ ਅਦਾਇਗੀ ਕਰਨ ਲਈ ਸੰਘਰਸ਼ ਕਰ ਰਹੇ ਛੋਟੇ ਕਾਰੋਬਾਰਾਂ ਦੇ ਹੱਕ ਵਿੱਚ ਕਦਮ ਚੁੱਕਣ ਦੀ ਮੰਗ ਕੀਤੀ ਹੈ – ਗੁਰਿੰਦਰ ਬਰਾੜ ਵਿਧਾਇਕ ਐਨ ਡੀ ਪੀ

ਕੈਲਗਰੀ ( ਟਾਈਮਜ਼ ਬਿਓਰੋ ) : ਐਨ ਡੀ ਪੀ ਪਾਰਟੀ ਛੋਟੇ ਕਾਰੋਬਾਰੀਆਂ ਦੇ ਨਾਲ ਖੜ੍ਹੀ ਹੈ ਅਤੇ ਯੂਨਾਇਟਡ ਕੰਜ਼ਰਵੇਟਿਵ ਪਾਰਟੀ ਦੀ ਸੂਬਾ ਸਰਕਾਰ ਨੂੰ ਆਪਣੇ ਸੀਬਾ ਕਰਜ਼ਿਆਂ ਦੀ ਅਦਾਇਗੀ ਕਰਨ ਲਈ ਸੰਘਰਸ਼ ਕਰ ਰਹੇ ਛੋਟੇ ਕਾਰੋਬਾਰਾਂ ਵਾਲੇ ਕਾਰੋਬਾਰੀਆਂ ਲਈ ਵਾਧੂ ਸਮਰਥਨ ਦੀ ਮੰਗ ਕਰਦੀ ਹੈ। ਵਰਤਮਾਨ ਵਿੱਚ, ਬਕਾਇਆ ਕੈਨੇਡਾ ਐਮਰਜੈਂਸੀ ਬਿਜ਼ਨਸ ਅਕਾਊਂਟ (ਸੀਬਾ ) ਕਰਜ਼ੇ ਵਾਲੇ ਅਲਬਰਟਾ ਦੇ ਕਾਰੋਬਾਰੀਆਂ ਕੋਲ 31 ਦਸੰਬਰ ਦੀ ਸਮਾਂ ਸੀਮਾ ਨੂੰ ਪੂਰਾ ਕਰਨ ਲਈ $40,000 ਡਾਲਰ ਤੱਕ ਦਾ ਭੁਗਤਾਨ ਕਰਨ ਲਈ ਪੰਜ ਮਹੀਨਿਆਂ ਤੋਂ ਘੱਟ ਦਾ ਸਮਾਂ ਹੈ । ਜੇਕਰ ਇਸ ਸਮੇਂ ਵਿੱਚ ਭੁਗਤਾਨ ਨਹੀਂ ਹੁੰਦਾ ਤਾਂ ਇਹਨਾਂ ਕਾਰੋਬਾਰਾਂ ਨੂੰ 20,000 ਡਾਲਰ ਤੱਕ ਦਾ ਹਰਜਾਨਾ ਦੇਣਾ ਪਵੇਗਾ ਜੋ ਕਿ ਸੈਟਲਮੈਂਟ ਦੀਆਂ ਸ਼ਰਤਾਂ ਅਧੀਨ ਸੰਘੀ ਸਰਕਾਰ ਦੁਆਰਾ ਮਾਫ਼ ਕੀਤਾ ਜਾ ਸਕਦਾ ਸੀ । “ ਜਿਵੇਂ ਕਿ ਓਟਵਾ ਹਜ਼ਾਰਾਂ ਕਾਰੋਬਾਰੀ ਮਾਲਕਾਂ ਦੀਆਂ ਕਾਲਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਜਾਰੀ ਰੱਖਦਾ ਹੈ, ਅਤੇ ਕਾਰੋਬਾਰੀਆਂ ਦੀ ਸੁਣਵਾਈ ਨਹੀਂ ਹੋ ਰਹੀ । ਇਹ ਸੂਬਾ ਪ੍ਰੀਮੀਅਰ ਡੈਨੀਏਲ ਸਮਿਥ ‘ਤੇ ਹੁਣ ਨਿਰਭਰ ਕਰਦਾ ਹੈ ਕਿ ਉਹ ਫੈਡਰਲ ਸਰਕਾਰ ਨਾਲ ਗੱਲ-ਬਾਤ ਲਈ ਕਦਮ ਅੱਗੇ ਵਧਾਏ । ਮੌਜੂਦਾ ਸਮੇਂ ਵਿੱਚ ਛੋਟੇ ਕਾਰੋਬਾਰੀ ਆਪਣੇ ਸੀਬਾ ਦੇ ਕਰਜ਼ਿਆਂ ਦਾ ਭੁਗਤਾਨ ਕਰਨ ਲਈ ਅਸੀਂ ਸੰਘਰਸ਼ ਕਰ ਰਹੇ ਹਾਂ ਅਤੇ ਛੋਟੇ ਕਾਰੋਬਾਰਾਂ ਨੂੰ ਘੱਟ ਵਿਆਜ ਵਾਲੇ ਕਰਜ਼ੇ ਪ੍ਰਦਾਨ ਕਰਨ ਲਈ ATB ਨੂੰ ਕਾਲ ਕਰ ਰਹੇ ਹਾਂ।” ਅਸੀਂ ਯੂਸੀਪੀ ਸਰਕਾਰ ਨੂੰ ਫੰਡਿੰਗ ਦਾ ਲਾਭ ਉਠਾਉਣ ਲਈ ਕਹਿੰਦੇ ਹਾਂ, “ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਗੁਰਿੰਦਰ ਬਰਾੜ, ਅਲਬਰਟਾ ਐਨਡੀਪੀ ਕ੍ਰਿਟਿਕ ਫਾਰ ਸਮਾਲ ਬਿਜ਼ਨਸ ਨੇ ਕਾਰੋਬਾਰੀਆਂ ਅਤੇ ਪੱਤਰਕਾਰਾਂ ਦੀ ਡਿਜ਼ੀਟਲ ਜ਼ੂਮ ਮੀਟਿੰਗ ਵਿੱਚ ਕੀਤਾ । ਸ੍ਰ. ਬਰਾੜ ਨੇ ਕਿਹਾ ਕਿ ਅਲਬਰਟਾ ਵਿੱਚ, ਲਗਭਗ 100,000 ਛੋਟੇ ਕਾਰੋਬਾਰ ਹਨ ਜੋ 10 ਲੱਖ ਤੋਂ ਵੱਧ ਅਲਬਰਟਾ ਵਾਸੀਆਂ ਨੂੰ ਰੁਜ਼ਗਾਰ ਦਿੰਦੇ ਹਨ ਜੋ ਸਾਡੇ ਆਰਥਿਕ ਵਿਕਾਸ ਵਿੱਚ ਬਹੁਤ ਵੱਡਾ ਯੋਗਦਾਨ ਪਾਉਂਦੇ ਹਨ। ਉਹਨਾਂ ਦੱਸਿਆ ਕਿ ਸੀ.ਐਫ.ਆਈ.ਬੀ. ਰਿਪੋਰਟ ਕਰਦੀ ਹੈ ਕਿ ਔਸਤ ਅਲਬਰਟਾ ਛੋਟੇ ਕਾਰੋਬਾਰ ਕੋਲ ਅਜੇ ਵੀ 85,000 ਡਾਲਰ ਤੋਂ 100,000 ਡਾਲਰ ਕੋਵਿਡ ਮਹਾਂਮਾਰੀ ਨਾਲ ਸਬੰਧਤ ਕਰਜ਼ਾ ਹੈ। ਵਿਧਾਇਕ ਬਰਾੜ ਨੇ ਕਿਹਾ ਕਿ ਕਾਰੋਬਾਰਾਂ ਨੂੰ ਸੁਰੱਖਿਅਤ ਤੌਰ ਤੇ ਚਾਲੂ ਰੱਖਣ ਲਈ ਸਰਕਾਰ ਨੂੰ ਗੰਭੀਰਤਾ ਨਾਲ ਇਹਨਾਂ ਕਾਰੋਬਾਰਾਂ ਦੀ ਮੱਦਦ ਲਈ ਅੱਗੇ ਆਉਣਾ ਪਵੇਗਾ ਤਾਂ ਹੀ ਅਸੀਂ ਉਹਨਾਂ ਦੇ ਕਾਰੋਬਾਰ ਨੂੰ ਜਾਰੀ ਰੱਖਣ, ਸੰਭਾਵੀ ਤੌਰ ‘ਤੇ ਉਹਨਾਂ ਦੇ ਕਾਰੋਬਾਰ ਨੂੰ ਵਧਾਉਣ ਅਤੇ ਉਹਨਾਂ ਦੇ ਉਤਪਾਦਾਂ ਅਤੇ ਉਹਨਾਂ ਦੇ ਸਟਾਫ ਵਿੱਚ ਹੋਰ ਨਿਵੇਸ਼ ਕਰਨ ਵਿੱਚ ਮਦਦ ਕਰ ਸਕਾਂਗੇ । ਬਰਾੜ ਨੇ ਕਿਹਾ ਕਿ ਅਲਬਰਟਾ ਵਿੱਚ, $6.8 ਬਿਲੀਅਨ ਦੀ ਕੁੱਲ ਲਾਗਤ ਨਾਲ ਸੀਬਾ ਕਰਜ਼ਿਆਂ ਲਈ 125,015 ਕਾਰੋਬਾਰਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਸੀ। ਇਸ ਮੀਟਿੰਗ ਵਿੱਚ ਛੋਟੇ ਕਾਰੋਬਾਰੀ ਨਵਦੀਪ ਬਰਾੜ ਨੇ ਕਿਹਾ ਕਿ “ ਸਾਨੂੰ ਡਰ ਹੈ ਕਿ ਜੇਕਰ ਅਸੀਂ ਇਸ ਸਾਲ ਦੇ ਅੰਤ ਤੱਕ $40,000 ਦਾ ਭੁਗਤਾਨ ਕਰਨ ਦੇ ਯੋਗ ਨਹੀਂ ਹੋਏ, ਤਾਂ ਸਾਨੂੰ ਮਾਫੀ ਵਿੱਚ $20,000 ਦਾ ਵਾਧੂ ਭੁਗਤਾਨ ਵੀ ਕਰਨਾ ਪਵੇਗਾ, ਜਿਸ ਦੇ ਨਤੀਜੇ ਵਜੋਂ ਅਸੀਂ ਹੋਰ ਕਰਜ਼ੇ ਵਿੱਚ ਡੁੱਬ ਜਾਵਾਂਗੇ ਅਤੇ ਅੰਤ ਵਿੱਚ ਕਾਰੋਬਾਰ ਤੋਂ ਬਾਹਰ ਹੋ ਜਾਵਾਂਗੇ,” । ਇਸੇ ਤਰ੍ਹਾਂ ਇੱਕ ਹੋਰ ਕਾਰੋਬਾਰੀ ਜਗਰਾਜ ਸਿੰਘ ਨੇ ਕਿਹਾ, ਕਿ “ਅਸੀਂ, ਛੋਟੇ ਕਾਰੋਬਾਰੀ ਮਾਲਕਾਂ ਵਜੋਂ, ਰਾਜ ਸਰਕਾਰ ਨੂੰ ਕੁਝ ਸਹਿਯੋਗੀ ਹੱਲ ਕੱਢਣ ਦੀ ਕੋਸ਼ਿਸ਼ ਕਰਨ ਲਈ ਕਹਿ ਰਹੇ ਹਾਂ, ਜਿਵੇਂ ਕਿ ਅੱਜ ਐਨ ਡੀ ਪੀ ਵਿਧਾਇਕ ਬਰਾੜ ਨੇ ਇਸ ਨੁਕਤੇ ਨੂੰ ਪੇਸ਼ ਕੀਤਾ ਹੈ, ਜਿਸ ਨਾਲ ਕਾਰੋਬਾਰੀਆਂ ਨੂੰ ਨਵੀਂ ਆਸ ਦੀ ਕਿਰਣ ਮਿਲੀ ਹੈ । ਮੀਟਿੰਗ ਵਿੱਚ ਜੇ ਡੀ ਫਲੋਰਿੰਗ ਅਤੇ ਸਜਾਵਟ ਦੇ ਮਾਲਕ, ਜਗਰਾਜ ਸਿੰਘ ਸੋਹੀ ਨੇ ਕਿਹਾ ਕਿ ਸਾਡੇ ਕਾਰੋਬਾਰਾਂ ਅਤੇ ਰੋਜ਼ੀ ਰੋਟੀ ਨੂੰ ਜਿਉਂਦਾ ਰੱਖਣ ਲਈ ਇਹ ਇੱਕ ਰਾਹਤ ਹੋਵੇਗੀ ।
ਕੈਲਗਰੀ ਵਿੱਚ ਵਿਸ਼ਵ ਹੀਟਿੰਗ ਅਤੇ ਪਲੰਬਿੰਗ ਕਾਰੋਬਾਰ ਦੇ ਮਾਲਕ ਸੁਖਬੰਸ ਜਾਖੂ ਨੇ ਕਿਹਾ, “ਅਸੀਂ ਸਾਰੇ ਪੱਧਰਾਂ ਦੀ ਸਰਕਾਰ ਨੂੰ ਜ਼ਮੀਨੀ ਹਕੀਕਤ ਨੂੰ ਸਮਝਣ ਅਤੇ ਸਾਡੀ ਮਦਦ ਲਈ ਅੱਗੇ ਆਉਣ ਦੀ ਬੇਨਤੀ ਕਰਦੇ ਹਾਂ, ਕਿਉਂਕਿ ਅਸੀਂ ਆਪਣੇ ਕਾਰੋਬਾਰਾਂ ਨੂੰ ਬੰਦ ਨਹੀਂ ਕਰਨਾ ਚਾਹੁੰਦੇ।”