ਬੈਂਗਲੁਰੂ ਵਿਖੇ ਹੋ ਰਹੇ ਜੀ-20 ਸੰਮੇਲਨ ਵਿੱਚ ਹਿੱਸਾ ਲੈਣਗੇ ਕੈਨੇਡਾ ਦੇ ਉਪ ਪ੍ਰਧਾਨਮੰਤਰੀ , ਕ੍ਰਿਸਟੀਆ ਫ੍ਰੀਲੈਂਡ

ਬੈਂਗਲੁਰੂ ਵਿਖੇ ਹੋ ਰਹੇ ਜੀ-20 ਸੰਮੇਲਨ ਵਿੱਚ ਹਿੱਸਾ ਲੈਣਗੇ ਕੈਨੇਡਾ ਦੇ ਉਪ ਪ੍ਰਧਾਨਮੰਤਰੀ , ਕ੍ਰਿਸਟੀਆ ਫ੍ਰੀਲੈਂਡ

ਟੋਰਾਂਟੋ ( ਬਿਉਰੋ ਰਿਪੋਰਟ )ਕੈਨੇਡਾ ਦੀ ਉਪ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ, ਜਿਸ ਕੋਲ ਕੈਨੇਡਾ ਦਾ ਵਿੱਤ ਵਿਭਾਗ ਵੀ ਹੈ, ਇਸ ਹਫ਼ਤੇ ਭਾਰਤ ਵਿੱਚ ਬੈਂਗਲੁਰੂ ਵਿਖੇ ਜੀ-20 ਸੰਮੇਲਨ ਵਿੱਚ ਸ਼ਾਮਲ ਹੋਣ ਲਈ ਭਾਰਤ ਦੀ ਯਾਤਰਾ ਕਰਨਗੇ । ਇਸ ਸੰਮੇਲਨ ਵਿੱਚ ਵਿੱਤ ਮੰਤਰੀਆਂ ਅਤੇ ਕੇਂਦਰੀ ਬੈਂਕ ਗਵਰਨਰਾਂ ਦੀ ਮੀਟਿੰਗ ਦੌਰਾਨ ਵਿਸ਼ਵ ਆਰਥਿਕਤਾ ਸੰਬੰਧੀ ਅਹਿਮ ਚਰਚਾ ਵਿੱਚ ਹਿੱਸਾ ਲੈਣਗੇ ।
ਕੈਨੇਡਾ ਦੇ ਵਿੱਤ ਵਿਭਾਗ ਨੇ ਜਾਣਕਾਰੀ ਦਿੱਤੀ ਹੈ ਕਿ ਉੁਪ ਪ੍ਰਧਾਨ ਮੰਤਰੀ 23 ਤੋਂ 25 ਫਰਵਰੀ ਤੱਕ ਭਾਰਤ ਵਿੱਚ ਰਹਿਣਗੇ । ਇਨ੍ਹਾਂ ਮੀਟਿੰਗਾਂ ਵਿੱਚ, ਉਪ ਪ੍ਰਧਾਨ ਮੰਤਰੀ ਪੁਤਿਨ ਦੀ ਗੈਰ-ਕਾਨੂੰਨੀ ਜੰਗ ਦੇ ਆਰਥਿਕ ਪ੍ਰਭਾਵਾਂ, ਉੱਚੀ ਮਹਿੰਗਾਈ, ਸਮੇਤ ਵਿਸ਼ਵਵਿਆਪੀ ਚੁਣੌਤੀਆਂ ਨਾਲ ਨਜਿੱਠਣ ਲਈ ਕੈਨੇਡਾ ਦੇ ਅੰਤਰਰਾਸ਼ਟਰੀ ਭਾਈਵਾਲਾਂ ਨਾਲ ਕੰਮ ਕਰਨਗੇ । ਇਸ ਮੌਕੇ ਜਲਵਾਯੂ ਪਰਿਵਰਤਨ, ਅੰਤਰਰਾਸ਼ਟਰੀ ਟੈਕਸ ਨਿਰਪੱਖਤਾ, ਅਤੇ ਗਲੋਬਲ ਪ੍ਰਭੂਸੱਤਾ , ਕਰਜ਼ੇ ਦੀਆਂ ਚੁਣੌਤੀਆਂ, ਤੇ ਗੰਭੀਰ ਚਰਚਾ ਹੋਵੇਗੀ ।
ਕ੍ਰਿਸਟੀਆ ਫ੍ਰੀਲੈਂਡ ਦੇ ਹਵਾਲੇ ਨਾਲ ਦੱਸਿਆ ਗਿਆ ਹੈ ਕਿ ਇਹ ਮੀਟਿੰਗਾਂ ਕੈਨੇਡਾ ਲਈ ਸਾਡੇ ਸਹਿਯੋਗੀਆਂ ਅਤੇ ਭਾਈਵਾਲਾਂ ਨਾਲ ਕੰਮ ਕਰਨ ਦਾ ਇੱਕ ਮੌਕਾ ਹਨ ਤਾਂ ਜੋ ਅੱਜ ਕੈਨੇਡਾ ਅਤੇ ਦੁਨੀਆਂ ਭਰ ਵਿੱਚ ਆਮ ਲੋਕਾਂ ਨੂੰ ਦਰਪੇਸ਼ ਆ ਰਹੀਆਂ ਆਰਥਿਕ ਮੁਸ਼ਕਿਲਾਂ ਨੂੰ ਹੱਲ ਕੀਤਾ ਜਾ ਸਕੇ।”

ਗੌਰਤਲਬ ਹੈ ਕਿ ਕਰੀਬ ਪੰਜ ਸਾਲਾਂ ਵਿੱਚ ਕ੍ਰਿਸਟੀਆ ਫ੍ਰੀਲੈਂਡ ਦੀ ਭਾਰਤ ਦੀ ਇਹ ਪਹਿਲੀ ਅਧਿਕਾਰਤ ਯਾਤਰਾ ਹੋਵੇਗੀ।  ਇਸ ਤੋਂ ਪਹਿਲਾਂ ਜਦੋਂ ਉਹ ਕੈਨੇਡਾ ਦੇ ਵਿਦੇਸ਼ ਮੰਤਰੀ ਸਨ , ਫਰਵਰੀ 2018 ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਭਾਰਤ ਦੀ ਦੁਵੱਲੀ ਯਾਤਰਾ ਦੌਰਾਨ ਉਹ ਭਾਰਤ ਗਏ ਸਨ ।
ਸੀਨੀਅਰ ਭਾਰਤੀ ਅਤੇ ਕੈਨੇਡੀਅਨ ਅਧਿਕਾਰੀਆਂ ਨੇ ਕਿਹਾ ਕਿ ਮੀਟਿੰਗਾਂ ਦੇ ਹਾਸ਼ੀਏ ‘ਤੇ ਫ੍ਰੀਲੈਂਡ ਅਤੇ ਭਾਰਤੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵਿਚਕਾਰ ਦੁਵੱਲੀ ਮੀਟਿੰਗ ਦੀ ਉਮੀਦ ਹੈ।  ਇੱਕ ਭਾਰਤੀ ਅਧਿਕਾਰੀ ਨੇ ਕਿਹਾ ਕਿ ਇਹ ਗੱਲਬਾਤ “ਕਾਫ਼ੀ ਨਿਸ਼ਚਿਤ” ਹੈ।

ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਸਤੰਬਰ 2016 ਤੋਂ ਬਾਅਦ ਕਿਸੇ ਵੀ ਦੇਸ਼ ਦੇ ਵਿੱਤ ਮੰਤਰੀਆਂ ਵਿਚਕਾਰ ਇਹ ਪਹਿਲੀ ਦੁਵੱਲੀ ਮੁਲਾਕਾਤ ਹੋਵੇਗੀ, ਜਦੋਂ ਤਤਕਾਲੀ ਅਹੁਦੇਦਾਰ, ਮਰਹੂਮ ਅਰੁਣ ਜੇਤਲੀ ਅਤੇ ਬਿਲ ਮੋਰਨੀਓ, ਟੋਰਾਂਟੋ ਵਿੱਚ ਮਿਲੇ ਸਨ ।
ਦੋਵਾਂ ਮੰਤਰੀਆਂ ਨੇ ਸਤੰਬਰ 2016 ਵਿੱਚ ਟੋਰਾਂਟੋ ਵਿੱਚ ਵੀ ਮੁਲਾਕਾਤ ਕੀਤੀ ਸੀ, ਜਦੋਂ ਸੀਤਾਰਮਨ ਵਣਜ ਅਤੇ ਉਦਯੋਗ ਮੰਤਰੀ ਸਨ ਅਤੇ ਫ੍ਰੀਲੈਂਡ ਕੈਨੇਡਾ ਦੇ ਮੰਤਰੀ ਸਨ ।